Gipahimangnoan sa Police Regional Office 10 ang tanang kapulisan sa rehiyon kalabot sa hustong pagserbisyo ug patas nga pagpatuman sa balaod.
Namahayag si PRO-10 spokesperson Police Captain Joan Navarro sa Bombo Radyo nga ang pagpasuspenso sa duha ka opisyal ug lima ka pulis nga nakabase sa buhatan sa PRO-10 tungod sa kasong Grave Misconduct usa ka pahinumdom sa tanang police personnel nga bisan pa man og nagserbisyo sila sa gobyerno, dili gihapon sila luwas sa legal nga aksyon.
Gipasabot ni Navarro nga kabahin kini sa trabaho sa usa ka pulis ug nagapakita lamang nga dili exempted ang mga law enforcers kung adunay sayop nga mahitabo, ilabi na kay sila mismo ang tig-implementar sa balaod.
Dugang pa ni Navarro, adunay taas nga standard sa accountability ang matag pulis sa rehiyon kon hisgutan ang paglapas sa balaod, tungod kay sila kinahanglan nga mahimong ehemplo sa pagsunod niini ug dili mahimong tigsupak. (JAMES OLIVER)
