CAGAYAN DE ORO CITY-Nawad-an sa pinuy-anan ang pipila ka pamilya nga nakabase sa Poblacion, Villanueva, Misamis Oriental kaganihang buntag.
Kini human nasunog ang pinuy-anan nga gipanag-iya ni Nick Quezon, 76 anyos ug nagpuyo sa maong lugar.
Miingon si SFO4 Homer Castro, head sa BFP-Villanueva nga nadunggan sa mga silingan ni Quezon nga may nangbuto sulod sa gidumala niini nga furniture shop hinungdan sa maong sunog.
Kabahin usab sa mga apektado ang mga pamilya nila ni Venerando Cabunoc; Kag Pilar Velasco; Elbert Cabunoc ug Alberto Cabunoc nga silingan ni Quezon.
Hinoon, walay natala nga tawo nga naangol sa maong sunog diin natala ang 80-mil pesos nga damyos.
