CAGAYAN DE ORO CITY – Giangkon sa pipila ka Pinoy nga nakasinati na sila’g pagpang-bully ug diskriminasyon gikan sa White ug Black Americans sa estado sa Texas,Amerika.
Kini human angkona sa Pinay worker nga si Marie Salacad-More nga taga-Brgy 23 ning syudad nga makaduha siya nakasinati sa diskriminasyon gikan sa Black Americans sulod sa grocery store ug sa iyang pagsakay sa bu padulong sa trabaho.
Gibutyag ni More nga bisan nga siya babaye apan wala kini mobati’g kalisang ug gilabay pa niini’g balde ang mi-bully kaniya samtang nagsakay siya’g bus padulong motrabaho.
Hisayrang nag-abiso ang Philippine Consulate sa tanang mga Pinoy nga mag-alerto tungod sa Asian-Americans racism nga epekto sa pagkaigo sa COVID-19 sa Amerika nga gikan sa China.
