CAGAYAN DE ORO CITY – Apil sa gipangayua’g tabang sa kontrobersyal nga si Kingdom of Jesus Christ Chuch founder Pastor Apollo Quiboloy sa wala pa hingpit mitugyan sa iyang kaugalingon sa gobierno ang pipila ka top police officials ubos sa Police Regional Office 10 ning syudad.
Kini ang gikompirmar sa abogado sa pastor pinaagi ni Atty. Israelito Torreon nga giaagi nila sa sulat-pahayag ug gimantala sa social media kagabii.
Miingon si Torreon nga lakip sa gipangayua’g tambag ug giya ni Quiboloy sa labing maayo niya nga buhaton mao si kanhi Misamis Oriental Police Provincial Office Director Col.Chuli Jun Caduyac nga kasamtangan nang nadestino sa Camp Alagar.
Hinoon,wala na sampita sa maong abogado kon unsa nga tabang ug suporta ang gipangayo ni Quiboloy kang Caduyac apan nagpaabot pasalamat na lang kini.
Una nang milungtad sa 16 ka adlaw ang pagpangita sa Police Regional Office 11 kang Quiboloy kaniya sulod sa iyang compound ayha kini nakahukom pagtahan kagahapong adlawa.
Hisayrang daghang pinili nga mga opisyal sa mga sundalo’g pulis ang giduulan ni Quiboloy aron mas mapasayon ang iyang pag-surrender sanglit may pending warrant of arrest kining gipang-atubang sa nagkadaiyang korte sa Pilipinas ug bisan sa Estados Unidos.
