CAGAYAN DE ORO CITY – Emosyonal gipaambit sa kanhi tigpamaba sa Police Regional Office 10 nga naka-on going schooling nga si Police Lt Col Michelle Olaivar ang iyang kasinatian sa pagtoon sa kursong abogasiya ug hangtod kabahin sa mipasar sa 2022 bar exams nga gilugwa ang resulta kagahapong adlawa.
Miingon si Olaivar nga susama sa ubang working law students,dili tiaw ang mga sakripisyo nga iyang naagian aron lang makab-ot ang dugay na niini nga pangandoy aron mahimong abogado.
Kini ang hinungdan nga nakatulo ang iyang mga luha samtang nakit-an ang pangalan niini nga apil dul-an 4-mil ka bar takers nga mipasar sa pasulit sa miaging Nobyembre 2022.
Gawas kang Olaivar,pasaod usab sila Police Staff Sgt Elmond Monteron,Police Staff Sgt Naif Malawani ug Non-Uniform Personnel Rose Anna Abuhan nga pulos sa PRO 10 ang pasar sa pasulit ingo man mga anak sa pipila ka iladong aktibo ug kanhi govt officials dinhi sa syudad.
Samtang mainitong gidawat sa Intergrated Bar of the Philippines Misamis Oriental chapter ang mga bag-ong abogado nga nadugang sa legal profession gikan dinhi sa syudad ug lalawigan.
Kini human anaa sa 43.47 porsiento gikan sa sobra 9-mil ka bar takers ang mipasar kon halos 4-mil ang bag-ong mga abogado sa miaging pasulit sa abogasiya.
Miingon si kanhi IBP-MisOr chapter president Atty. Katrina Mordeno nga mibilib siya sa gipakitang exam performance sa ilang mga bag-ong mga panyero ug panyera kay gilahi sa korte suprema ang sistema sa pagkuha’g pasulit sa miaging tuig.
Siya miingon nga dili kini susama sa ilang panahon nga molungtad sa usa ka bulan ang pag-take sa exam rason nga may igo sila nga higayon aron preparahan ang matag-subjects kada-tunga sa examination venues.
Hisayrang sa duha ka iladong unibersidad nga nagtanyag sa law school ning syudad,nag-no.2 sa over all ranking ang Xavier University samtnag 36 ka bar examinees usab gikan sa Liceo de Cagayan University ang pasar sa maong pasulit.
