CAGAYAN DE ORO CITY – Ipasaka na sa kapolisang ang patung-patong nga kasong kriminal batok sa pipila ka sakop sa mga sindikato nga ilang gika-engkuwentro samtang gilusad ang anti-drug bust operation sa terminal sa Westbound,Brgy Bulua ning syudad.
Miingon si Lumbia Police Station commander Police Maj. Aldren Baculio nga tipik sa ilang kasuhan sa pagsupak sa Dangerous Drugs Act of 2002 si suspected druglord Jericho Odchigue ingon man ang mga sakop niini ng sila Dante Morales,maglive-in partner nga si Lester Laurente ug April Manginsay nga pulos nagpuyo sa magkalahing lungsod sa Bukidnon ingon man si Jhubert Paylaran nga taga- Cebu City.
Gawas niini,kasuhan usab nila si Manginsay sa obstruction of justice kay nakabalda sa ilang operasyon sa miaging Sabado sa kadlawon.
Una nang gipusil nila ni Odchigue ug Morales ang mga pulis kay tuyo unta luwason sila Laurente nga nasikop sa maong operasyon.
Nakompiskar gikan sa abandunadong pick-up ang 120 gramos nga gitoohang shabu balor halos milyon pesos ug kalibre 45 kuyog ang mga bala niini.
