CAGAYAN DE ORO CITY-Gitin-aw ni PNP-10 spokesperson Supt Surki Serenias nga wala mahatagi sa bag-ong patrol car ang Cugman ug Puerto Police Station tungod kay wala sila makasunod sa gipangayong requirements.
Si Serenias miingon nga masabtan nila kon adunay police stations ang magmahay kon nganong dili mahatagan apan kinahanglang mosunod sila sa gipangayo nga requirements sa kaulohan.
Siya miingon nga kinahanglang e-uli ang karaan nga patrol car ug ideklara nga ‘for economic repair’.
Giawhag usab ni Serenias ang mga station commanders sa matag police station nga e-comply ang requirements nga gikinahanglan aron mahatagan sila sa mga bag-ong patrol car.
Si Serenias miingon nga bisan siya ang nakasaksi nga dili na maayo ang hitsura sa mga patrol cars ug angayan na nga ilisdan.
Hisayran nga gihimo karong adlawa ang blessing ug Turn-over sa mga Patrol Vehicles, Fiber Glass Boats, Rubber Boats ug Motorcycles sa Regional Headquarters, Camp Alagar ning syudad.
