CAGAYAN DE ORO CITY – Gikompirmar sa Commission on Elections o Comelec 10 nga dunay natala nga vote buying o pagpamalit sa mga boto sa pipila ka mga kandidato ngadto sa mga botante nga nagbaligya sa ilang kaugalingong hukom sa Mayo 9 nga eleksyon sa rehiyon.
Gibutyag ni Comelec 10 Director Atty Francisco Pobe Jr nga gilayong gitugyan nila sa ilang legal dept ang maong mga kaso sa vote buying aron mahatagan sa igong aksyon.
Miingon si Pobe nga dili sila ang mismong nakadawat sa mga reklamo apan gikan sa DILG ug hoteline 8888 ni Pres Rodrigo Duterte hinungdang gitugyan nila ang pagsusi niini sa ilang central office.
Gitukod nga task force vs vote buying ang ahensiya aron paglutos sa mga kandidato ug mga botante nga nalambigit sa maong kalihukan.
Samtang mitala sa 2.5 milyon ka rehistradong botante ang nakabotar sa May 9 elections dinhi sa Northern Mindanao.
Kini gikan sa 3.1 milyon ka mga botante nga nahuptan sa Commission on Elections 10.Miingon si Pobe nga sa maong gindaghanon sa nakabotar anaa sa halos 85 porsiento ang voter’s turnout ang aktibong milabigit sa eleksyon ning tuiga.
Apan gikasubo usab sa opisyal nga wala tanan makabotar kay may mga botante nga wala makadalikyat sa mga presinto sa wala usab mabutyag nga mga rason.
