CAGAYAN DE ORO CITY – Gi-imbestigaran sa National Intelligence Coordinating Agency o NICA ang 20 ka ka smugglers ug govt supporters niini aron mapalusot ang mga kontrabando dinhi sa nasud.
Kini ilabina nga hawid sa NICA ang pipila ka pangalan sa smugglers nga nag-operate lakip dinhi sa Cagayan de Oro.
Gibutyag ni NICA Director Edcel Batalla nga kabahin sa milugwa nga pangalan ang usa ka Manuel Tan nga giingong utok sa smuggling activities dinhi sa syudad,Subic ug Batangas.
Apil usab sa gi-imbestigaran ang pangalang Jun Diamante,Andrew Tsangga ug Luz Cruz nga naila nga ‘onion’ queen tungod sa mga pagpalusot sa mga imported nga bombay gikan sa gawas pasulod dinhi sa nasud.
Nabulgar kini nunot sa imbestigasyon sa senado batok sa Dept of Agriculture nga pakyas mapugngan ang agriculture smuggling sa Pilipinas.
Dumduman nga sa miaging mga bulan,sunod-sunod nga nasapon sa taga-Customs ang minilyong balor sa mga bombay diha sa Mindanao Container Terminal sa Tagoloan ning lalawigan.
