CAGAYAN DE ORO CITY – Nakuratan ang hudikatura nunot sa kalit nga kamatayon sa usa sa ilang piskal mismo sa tugkaran sa Hall of Justice sa Upper Carmen ning syudad.
Kini human nakit-ang patay sulod sa nakaandar niya nga sakyanan ang biktima nga si Municipal Trial Court in Cities Branch 7 legal researcher Atty.Perben Rana nga residente ning syudad.
Subay sa imbestigasyon sa Carmen Police Station 4, nabantayan nga taud-taod nang nag-andar ang sakyanan niini tungod sa Hall of Justice rason nga gisulaya’g sampit kay hayan nakatulog.
Apan walay pagresponde o paglihok gikan sa panig sa biktima hinungdan nga gidali pagdala’g ospital apan wala na kini nasalbar.
Pasiunang gitoohan nga nagbaton sa balatian ang biktima ug posibleng kalit mi-atake samtang anaa sulod sa iyang sakyanan hinungdan sa kamatayon niini.
Namahayag usab ang imbestigasyon sa kapolisan nga inisyal nga walay nakit-ang indikasyon nga adunay foul play sa gidangatan sa abogado.
