Gipangayo sa grupong PISTON ang dugang nga P2.00 sa pletehan sa jeep tungod sa padayon nga pagsaka sa presyo sa lana.
Sumala ni Piston National President Mody Floranda nga panahon na aron madugangan ang kita sa mga jeepney drivers aron mapadayon nila ang ilang panginabuhi ug serbisyo sa publiko.
Ang grupo gitakda nga magsumiter sa petisyon sa Land Transportation Franchising and Regulatory Board (LTFRB) karong Marso 16 aron hangyoon ang dugang nga P2.00.
Matod pa ni Floranda, ang ulahi nga pagsaka sa pletehan niadto pang Oktubre 2023 apan padayon gihapon ang pagsaka sa presyo sa diesel ug gasolina nga nakaabot na sa kapin P60 kada litro kondiin kung ma-aprobahan ang ilang hangyo, makadugang sa halos P400 sa kita sa mga driver.
