“Nakasulat na sa playbook nila ‘yan,” mao kini ang hait nga pasangil sa United People’s Initiative batok sa pagkunhod sa numero sa mga senador sa minoriya, pagpaubos sa voting threshold, ug ang pagpakaso sa pipila ka senador.
Gipadayag ni United People’s Initiative Secretary General Capt. Rey Valeros Jr. nga gituyo ang paggukod sa mga oposisyon aron mapahinay ang baroganan sa minoriya ug dali rang mapasa ang impeachment batok sa Bise Presidente.
Tungod niini, gibutyag sa lider nga lakip sa lakang sa panggamhanan ang pagpa-ilalom sa nasud sa Charter Change ug pag-kansela sa eleksyon aron mapatuman ang term extension.
Hinoon, nagpabilin nga andam ang kapunongan sa pag-atbang ug sa pagpadayag sa kamatuoran aron mapanalipdan ang interes ug batakang katungod sa katawhang Pilipino.
