CAGAYAN DE ORO CITY-Gikompirmar ni Autonomous Region in Muslim Mindanao o ARMM Assemblyman Zia Alonto Adiong ang dugay nang plano sa teroristang Maute ug Abu Sayyaf Group nga atakehon ang gobiernong lokal sa Marawi City.
Apan wala sila magtoo nga mismo sa adlaw sa ilang pag-obserbar sa Ramadan mohimo’g kagubot ang mga terorista.
Gibutyag ni Adiong nga kini ang hinungdan nga gi-suportahan nila ang opensiba sa militar ug kapolisan batok sa mga terorista aron mapabalik ang kahusay’g kalinaw sa Marawi City.
Una nang gibatikos sa gobiernong probinsyal sa Lanao del Sur ug Marawi City-LGU ang pagpanghasi sa mga terorista.
