CAGAYAN DE ORO CITY– Gihulat na lang sa interim mngt sa Cagayan de Oro Water District ang resolusyon gikan sa Local Water Utilities Administration o LWUA kabahin sa dugang unom ka bulan nga extension sa ilang pagsulbad sa water crisis sa dakbayan.
Kini maoy sulti ni interim COWD interim General Manager Fermin Jarales nunot sa iyang nadunggan sa panagtagbo sa interim board of directors ug LWUA sa kauluhan alang sa maong katuyuan.
Miingon si Jarales nga mag-agad sila sa kagustuhan sa nagtudlo kanila alayon sa padayong pagsulbad sa daghang problema nga giatubang sa COWD.
Nagsugod sa trabaho ang interim mngt sa Mayo 29 ug matapos usab kini sa petsa 29 ning bulana.
Samtang gusto sa mga kontra interim COWD mngt nga e-cite for contempt sa korte ang LWUA.Kini nunot sa ilang laraw nga paglugway sa laing unom ka bulan sa interim mngt nga pagdumala sa COWD.
Miingon si Kag. James Judith nga klaro kini nga pagpasamot sa suliran sa COWD rason nga angay mohimo’g lakang niini ang mga nag-petisyon sa pagpapahawa sa interim mngt sa maong Government Owned Controlled Corporation o GOCC entity.
Hisayrang kabahin si Judith nga nagsupak sa pagsulod sa LWUA kay alang kaniya wala kini nasubay sa balaod.
Apan una usab gisulti sa Office of the Government Corpoate Council o OGCC nga legal ug dunay basehan ang gihimo sa LWUA nga pagtakeover sa COWD.
