Giklaro ni kanhing Mayor Atty. Oscar Moreno nga wala gayud kini plano kaniadto nga magpatukod og bag-ong Government Complex samtang naglingkod sa panggamhanan.
Gitin-aw sa ex-mayor nga ang pondo sa dakbayan kinahanglang idirekta sa paghatag og batakang serbisyo sa katawhan ug dili sa pagpatukod og nindot o mahal nga buhatan.
Gipahayag usab sa opisyal nga labing importante ang pag-atiman sa mga tambalanan sama sa JR Borja General Hospital ug sa mga barangay health centers kaysa sa pagbalhin sa City Hall.
Busa nagtuo si Moreno nga dili husto nga sakripisyoan ang serbisyo publiko ug gastohon ang kwarta sa katawhan alang lang sa maong dakong proyekto.
