Kaduha sulod sa usa ka bulan muhimo’g declogging operations ang district engineering offices (DEO’s) sa Department of Public Works and Highways (DPWH) -10.
Miingon si DPWH-10 Spokesperson Novie Cabrido nga ila kining gibuhat sa tibook rehiyon sa Northern Mindanao, kundiin, dinhi sa syudad, regular usab kining gi-operar sa 14 DEO’s sa syudad.
Maoy gikatingad-an sa ilang mga personahe ang grabe nga ihap sa mga plastic water containers nga nga nakuha sa ilang operasyon sa miaging semana.
Kini nga mga plastik nga sudlanan maoy usa sa nakitang rason sa pagstock up sa tubig ug pag awas sa tubig sa canal sa dalan.
Gawas niini, naka-rekober usab ang ilang maintenace team sa daghang mga putol sa kahoy, ug mga panty sa mga babaye, ilabe sa Brgy Kauswagan ug segunda kini sa rason sa pag-clog sa mga kanal.
Gitin-aw ni Cabrido nga ang DPWH-10 Declogging maoy inisyatibo sa ilang central agency aron makunhuran ang grabe nga epekto sa baha dala sa mga basura.
Ang ilang operasyon naglangkob sa paglimpyo ug pagdeklog sa mga drainage system aron malikayan ang pagbaha sa mga kadalanan.
Ang ilang flood-mitigation measure maoy ilang gihingusgan ilabe karong ting-ulan, aron mas hapsay ang pagdagayday sa tubig ug malikayan ang kadaot sa mga estruktura ug kadalanan.
