CAGAYAN DE ORO CITY – Nagdumili paghatag dugang komento ang kadagkuan sa Philippine Military Academy o PMA alayon sa kasong gipasaka sa pamilyang Dormitorio batok sa duha ka army generals.
Kasong pagsupak sa anti-hazing law ug anti-torture act ang gipasaka sa pamilya sa hazing victim nga si Cadet 4th Class Darwin Dormitorio batok nila resigned PMA Supt Lt Gen Ronnie Evangelista ug resigned Commandant of Cadets Brig Gen Bartolome Bacarro.
Miingon si PMA spokesperson Capt. Cherryl Tindog nga ila na lamang isalig sa korte ang resulta sa kaso.
Nagpasalig si Tindog nga andam sila motabang sa korte sa kaso batok sa duha ka heneral.
