CAGAYAN DE ORO CITY-Misugod na sa pagpangandam ang kandidata gikan sa PNP-10 nga mo-representar sa GandangPulis 2018 sa Camp Crame sa kauluhan.
Kini human napili si Police Officer 2 May Shell Jangayo Oro,32 anyos nga taga-Muco Street,Zayas,Brgy Carmen ning syudad nga dad-on ang PNP-10 sa maong indigay sa Abril ning tuiga.
Miingon si Oro nga wala damha niini nga siya nga gikan sa City Public Strategy Mobile Unit o CPSMU sa Cagayan de Oro City Police Office o COCPO ang mapili gikan sa laing mga kandidata sa lima ka probinsya ug mga syudad aron mo-representar sa GandangPulis sa rehiyon sa kauluhan.
Dugtong niini,nagpasalamat kini sa daghang nagpaabot sa pagtimbaya ug panghinaut alang sa tahas nga dad-on niini sa kauluhan sunod bulan.
Si Oro ang kasamtangang na destino isip communication and alignment section police non-commission officer sa CPSMU sa kapolisan ning syudad.
Si Oro ang ikatulo sa unom ka magsoon diin gradwado sa Bachelor of Science in Criminology sa Western Mindanao State University (WMSU) sa Zamboanga City.
Nagsilbi usab kining service crew,cashier ug call center agent sa wala pa opisyal nahimong organic member sa kapolisan.
Si Oro ang nagsugod sa iyang pagka-pulis sa Hunyo 15,2011 diin kasamtangang na destino sa COCPO.
Si Oro ang napili nga Ms PNP Summit Beauty and Brains Pageant nga gihimo sa Apo View Hotel,Davao City niadtong Setyembre 29,2016.
Sa kasamtangan,gitahasan kini nga GandangPulis 2018 candidate aron representahan ang PNP-10 nga himoon sa Camp
Crame,Quezon City sa unang semana sa Abril ning tuiga.
