CAGAYAN DE ORO CITY-Gipasigarbo sa Police Regional Office 10 ang ilang malampusong security measures nga gipatuman sugod Oktobre 31 kutob Nobyembre 3.
Sa interbyu sa Bombo Radyo, gibutyag ni PRO-10 spokesperson Surkie Serenias nga nahimong epektibo ang ilang operasyon sa pagbantay sa kahusay ug kalinaw sa tibook Northern Mindanao, taliwala pa man sa hadla sa pagpangatake sa mga sakop sa rebeldeng New Peoples Army.
Gitin-aw ni Serenias nga dili related sa pagtamod sa kalag kalag ang granade attack sa Police headquarters San Fernando Bukidnon, ug shooting incident sa Tagoloan.
Pulos matud pa isolated incident ang nahitabo ug wala kini makayagaw sa pagtamod sa adlaw sa mga santos ug kalag.
