CAGAYAN DE ORO CITY- Nasanta sa kapolisan ug militar ang bisan unsa nga plano nga dautan batok seguridad atol sa pagtamod sa semana santa sa rehiyon.
Kini human gideklarar sa PNP-10 nga over-all generally peaceful ang kasaulugan ug bisan ang pagpahigayon sa mga kalihukan sa adlaw sa pagkabanhaw sa Ginoo kagahapong adlawa.
Miingon si PNP-10 regional spokesperson Supt Lemuel Gonda nga tungod niini ipadayon nila ang paghatag pagtagad ang oplan summer vacation o SUMVAC sa katawhan nga mogawas ug mosulod dinhi sa rehiyon.
Samtang,gihagit ni Msgr Elmer Abacahin kinsa usa sa mga dakong opisyal sa Cagayan de Oro Archdiocese ang debotong Kristiyano nga nagdala’g kabag-uhan sa kinabuhi ang subli pagsaulog sa adlaw pagkabanhaw sa namatay’g Kristo-Hesus.
Si Abacahin miingon nga mahimong walay hinungdan ang tanang pagpaningkamot kon tinak-upan gihapon sa tawo ang pagbati niin aron makasulod kaniya si Kristo-Hesus.
