CAGAYAN DE ORO CITY-Gibutyag ni City Police Director Sr/Supt Nelson Aganon nga pangunayan na sa PNP-10 ang pagpalit sa body camera alang sa mga operatiba.
Siya miingon nga himoon kini sa ilang organisasyon aron mawala ang pagduda sa publiko may kalabutan sa extra-judicial killings o EJK issue.
Asoy ni Aganon nga nagsugod na ang PRO-10 sa pagpahigayon sa procurement kalabot na sa maong laraw ug siya nagtoo nga masugdan na kini sa dili madugay.
Giangkon usab ni Aganon nga dismayado siya sa iyang mga gakabasahan sa newspapers tungod kay ga-ipaggawas sa pipila ka sakop sa media nga adunay extra-judicial killings nga gakahitabo sa syudad.
Dugtong niini, naglaraw si Aganon nga kuyogon ang mga sakop sa media ug sila ang ipag-una sa mga pulis panahon sa operasyon aron mawala ang ilang pagduda.
