CAGAYAN DE ORO CITY-Gi-alerto karon sa PNP-10 kuyog ang 4th ID, Philippine Army ang ilang puwersa tungod sa ika-49 ka tuig nga sumad sa Communist Party of the Philippines o CPP ning adlawa.
Kini human temporaryong giwagtang sa militar ug kapolisan ang suspension of military ug police operations batok sa
maong grupo.
Gibutyag ni PNP regional spokesperson Supt Lemuel Gonda nga dili sila mohatag kumpiyansa bisan nga adunay
kaugalingong ceasefire ang grupong CPP.
Nagdumili na usab si Gonda pagbutyag kon may mga intelligence report sila nga nadawat nga mohimo’g atake ang
rebeldeng New People’s Army batok sa gobierno ning semanaha.
