CAGAYAN DE ORO CITY- Giisa karon ang taas nga alerto sa tanang probinsya sa Amihang Mindanao.
Kini tungod sa pagpanghasi na usab sa rebeldeng New People’s Army o NPA diha sa Brgy Kibanban ug Brgy Quizon,Balingasag,Misamis Oriental kagahapon sa kadlawon.
Si PNP regional spokesperson Supt Lemuel Gonda miingon nga gimanduan ang tanang provincial police directors nga dili mohatag kumpiyansa sa ipatuman nila nga seguridad.
Una niini,sunod-sunod nga gipabuthan sa mga armas sa mga rebelde ang duha ka sitio sa Brgy Kibanban ug Brgy Quizon nga nakahatag alarma sa katawhan sa maong dapit.
