CAGAYAN DE ORO CITY-Gibulgar ni PNP-10 spokesperson Supt Surki Serenias nga adunay police scalawags sa tibook rehiyon ang gipaubos sa imbestigasyon.
Apan, nagdumili kini pagbutyag sa pangalan sa mga pulis ilabina nga nagpadayon pa ang imbestigasyon.
Siya miingon nga iyang ipaggawas ang pangalan sa mga pulis sa publiko kun ugaling mahuman ang imbestigasyon.
Gipanganti ni Serenias nga matangtang sa serbisyo ang police scalawags.
Matud ni Serenias nga nakadaut sa imahe sa ilang organisasyon ang mga police nga nag-atubang sa nagkadaiyang kaso lakip na ang mga police officers nga babaero.
Dugtong niini, gi-awhag ni Serenias ang tanang mga pulis nga magtinarong sa ilang trabaho aron dili mawad-a’g trabaho ug masayang ang ilang propisyon.
Una nang nagbahad si Pres Rodrigo Duterte nga iyang ipapatay ang mga police scalawags.
