CAGAYAN DE ORO CITY-Gimando karon ni PNP regional director C/Supt Atty Agripino Javier sa ilang tanang police lower units nga dili mohatag kumpiyansa batok sa mga kalihukan sa pundok sa rebeldeng New People’s Army o NPA.
Kini tungod sa nahitabo nga pagdagit sa mga rebelde kang PO3 Jerome Anthony Natividad sa lungsod sa Talakag,Bukidnon sa miaging adlaw.
Miingon si PNP regional spokesperson Supt Lemuel Gonda nga pabiling pakyas pa ang kapolisan ug militar pagluwas kang Natividad gikan sa kustodiya sa NPA.
Una nang gipatay sa mga rebelde ang kanhi bandido nga si Lito Atoy ug gisunog ang balor sa minilyon nga construction equipment sa maong lungsod.
