CAGAYAN DE ORO CITY-Gi-ambush sa duha ka suspek ang taas nga opisyal sa PNP-10 nga samtang sakay sa pribadong sakyanan diha sa Luna-Capitol road ning syudad kaganihang buntag.
Giila ni PNP regional spokesperson Supt Surkie Serenias ang biktima nga si Supt Michael John Deloso kinsa nagbaton sa daghang pinusilan sa dagway ug lawas gikan sa motorcycle in tandem suspects.
Dugang ni Serenias nga gimando na ni PNP regional director C/Supt Timoteo Pacleb ang pagsulbad sa paggukod sa mga suspek nga mihimo sa kremin.
Gikan si Deloso sa Camp Alagar dihang pag-abot niini sa crime scene,gidul-itan kini sa mga suspek pagpusil gamit ang kalibre 45 ug 9mm pistols.
Samtang gihuptan na karon sa kapolisan ang pipila ka testigo nga nakakita sa pag-ambush kang Deloso sulod sa iyang sakyanan diha sa Luna-Capitol roads sa syudad kaganihang buntag.
Miingon ang usa sa mga testigo nga gikanaugan sa backride sa mga suspek si Deloso ayha gipusil sa makadaghang higayon.
Naglisod pag-ila ang testigo tungod sa pag-bonnet sa mga suspek kinsa sakay sa motorsiklo dihang mihimo pag-ambush kang Deloso.
Si Deloso ang kontrobersyal usab kay natangtang na kini pagka-pulis kay gikasuha’g extortion apan nakabalik kay na igo sa teknalidad ang kaso.
Dugtong niiini,ipaubos sa eksaminasyon ang mga ebedensiya nga nakuha sa Scene of the Crime Operatives o SOCO-10 gikan sa crime scene.
Kini human narekober sa SOCO investigators ang ubay-ubay’ng mga kapsula sa kalibre 45 ug 9mm pistol nga gigamit sa mga suspek pag-ambush kang Deloso ning syudad kaganihang buntag.
Miingon si C/Insp Derel Reuyan,chief operations sa SOCO-10 nga dili pa sila kakumpirma kon duha ka tawo ang nagpabuto sa mga armas punting kang Deloso hinungdan ipaubos nila kini sa imbestigasyon.
Hinoon,anaa na sa luwas nga kahimtang si Deloso gikan sa pagdala sa mga personahe sa Misamis Oriental PDRRMO padulong sa Northern Mindanao Medical Center.
