CAGAYAN DE ORO CITY- Daw nabutangan sa lama ang imahen sa kapulisan human milugwa ang kontrobersiya sa awarding system sa PRO-10.
Matud ni PNP regional spokesperson Supt Lemuel Gonda nga bag-uhay pa lamang mihatag katin-awan kanila ang ilang Deputy Operations head for illegal drug operation kalabot na sa ilang napiling awardees.
Subli, gipamugos sa nagpaluyo sa awarding committee nga wala sila masayop sa ilang 10 ka pulos nga bag-uhay pa lamang nila gitanyagan sa mga pasidungog.
Gitin-aw usab ni Gonda nga inisyatiba sa Regional Director sa PRO-10 ang paghatag ug awards sa top performing kapolisan sa region-10 ug namugos nga wala kini sagol nga pagpabor-pabor o kontrobersiya.
Samtang gitin-aw sa Cagayan de Oro City Police Office o COCPO nga miagi sa taas nga proseso ang ilang pagpili sa police awardees nga top performing sa pagsanta sa ilegal nga druga sa syudad.
Mismo si COCPO spokesperson C/ Insp Mardy Hortillosa ang mi-ingon nga gibarugan nila ang ilang gipasa nga data padulong sa Police Regional Office-10.
Wala sila’y na limtan o nadasmagan atol sa paglista o shortlisted nga mga top performing police station sa syudad.
Una niini, giawhag sa PRO-10 ang tanan police station commander nga dili mag-apas sa rewards apan, mahimong “dedicated ug committed” sa ilang laraw nga mapakgang ang kaylap nga ilegal nga druga sa tibook Amihang Mindanao.
Hisayrang upat ka police stations commander sa syudad,tagduha gikan sa Bukidnon ug Iligan City samtang tag-usa usab gikan sa Lanao del Norte ingon man sa Ozamiz City ang gihataga’g pasidungog ni PNP regional director C/Supt Agripino Javier diin gisaksihan pa ni PNP chief deputy director for administration C/Supt Ramon Apolinario.
