CAGAYAN DE ORO CITY-Gi-aktibo na sa PNP-10 ang drug on war batok sa mga tawo nga nalambigit sa gidiling droga dinhi sa rehiyon.
Kini human pormal nang nagpagawas sa direktiba si PNP chief Dir Gen Ronald de la Rosa aron subli gukdon ang mga
tawo nga nalambigit sa illegal drugs.
Gibutyag ni PNP regional spokesperson Supt Lemuel Gonda nga gi-aktibo na nila’g balik ang anti-drugs unit aron tutukan ang grupo sa mga nagpahuyot sa ilegal nga droga.
Samtang nagtoo si Misamis Oriental Gov Bambi Emano nga maubsan ang presensiya sa gidiling droga nga tinguha ipalusot ug ikatag sa mga sindikato sa mga probinsya sa rehiyon.
Kini human gikalipay ni Emano ang pagpabalik ni PNP chief Dir Gen Ronald de la Rosa sa tahas aron abagan ang
PDEA sa paggukod sa mga druglord sa nasud.
Dumduman nga kabahin sa istrikto nga palisya sa probinsyal govt ang pakig- koordinar sa PNP ug PDEA aron mabungkag ang illegal drug suppliers sa lalawigan.
