CAGAYAN DE ORO CITY-Gihimakak sa kapolisan nga ilang gi-masaker ang usa ka pamilya samtang gisilbi
ang search warrant batok sa wanted person sa lungsod sa Tubod,Lanao del Norte sa miaging kadlawon.
Kini sukwahi sa mga nanggawas nga pahayag sa social media nga brutal nga gi-masaker sa walo ka pulis ang
mag-live partner ug 5 anyos niini nga anak sa maong lugar.
Gibutyag ni PNP regional spokesperson Supt Lemuel Gonda nga unang nagpabuto sa carvin rifle ang suspek nga si Bevino Laride Jr hinungdan nga gilayong mibalos ang mga pulis.
Napatay si Laride ingon man ang live-in partner niini nga tulo ka bulan nga mabdos ingon man ang ilang 5 anyos nga anak nga si Rexjun.
Apan samaron usab si PO1 Yasser Macatbar sa maong operasyon.
