CAGAYAN DE ORO CITY-Nagpahimangno karon ang PNP-10 sa publiko nga dili magpasagad sa ilang pagpangaligo sa kadagatan o beach resorts ning panahon sa ting-init.
Gihimo ni PNP regional spokesperson Supt Lemuel Gonda ang pagpadumdom tungod sa pagkalumos na usab sa beach goer nga si Noel Bongado Echem,hingkod ang panuigon ug wala mabutyag ang address.
Si Gonda miingon nga nakainom nga naligo si Echem kuyog sa mga barkada sa AJIS Beach Resort sa
Brgy Taboc,Opol,Misamis Oriental sa dihang nalumos kini.
Gilayong gipaubos sa cardio pulmunary resuscitation ang biktima sa rescuers ayha gidala sa pribadong ospital ning syudad.
Sa miaging semana,patay usab ang usa ka Elvis Dagayanon Labis human nalumos sa pagkaligo sa Waig spring resort didto sa Bukidnon.
