CAGAYAN DE ORO CITY-Ipadayon ni acting City Police Director Sr/Supt Nelson Aganon ang mga programa nga reporma sa kapolisan ning syudad.
Kini human pormal nang mipuli si Aganon isip bag-ong police director isip hulip kang Sr/Supt Robert Roy Bahian nga gibalhin sa command group sa PNP-10 sa Camp Alagar ning syudad.
Miingon si Aganon nga gusto usab niini dugangan ang kahibalo sa kapolisan sa syudad hinungdan nga nangaplay kini isip police director.
Dugang ni Aganon nga angay na usab mosaka sa taas nga posisyon si Bahian ilabina nga mas senior kini kaniya sa ilang panahon sa PNPA.
Samtang,kuwalipikado ug kagustuhan sa Camp Crame ang katudluan ni Aganon aron panguluhan ang Cagayan de Oro City Police Office.
Kini ang pag-depensa ni PNP regional director C/Supt Timoteo Pacleb sa kalit pag-relib ni Bahian ug gi-destino sa Camp Alagar.
Miingon si Pacleb nga daghan ang kapilian aron mangulo sa COCPO apan si Aganon una ang gitahasan samtang wala pa’y permanent city police director sa dakbayan.
Samtang gi-welcome ni City Mayor Oscar Moreno ang liderato ni Aganon aron panguluhan ang kapolisan sa syudad.
Kini human pormal nang gi-instolar ni PNP regioanl director C/Supt Timoteo Pacleb si Aganon isip hulip kang Bahian nga nagsilbi nang commander sa Camp Alagar.
Miingon si City administrator Teddy Sabugaa nga gipasalamatan nila si Bahian sa pagmintinar sa seguridad sa syudad ilabina niadtong giyera sa Marawi City diin gisulaya’g atake ang dakbayan.
