CAGAYAN DE ORO CITY-Gipalig-on pa sa PNP-10 ang ilang kampanya batok sa mga badlungong pulis o police scalawags.
Kini human gipadumduman ni PNP regional director C/Supt Timoteo Pacleb sa ilang mga responsibilidad ang kapin 950 ka police officers samtang midawat sa ilang rank promotions diha sa Camp Alagar ning syudad kagahapong adlawa.
Gani,gibutyag ni Pacleb nga dili magpanuko ang PNP mohatag pasidungog sa mga pulis nga nagtinarong sa ilang mga trabaho apan bug-at nga silot usab niadtong nag-abusar sa mga katungdanan niini.
Hisayrang kabahin sa gihataga’g promosyon ang mga pulis nagbaton sa ranggo sa police officer 2 hangtod chief inspectors.
