CAGAYAN DE ORO CITY-Gihupay sa kadagkuan sa PNP Region 10 ang kabalaka sa katawhan bahin sa ilang seguridad ning panahon sa pagbalaan sa mga mahal nga adlaw.
Miingon si PNP-10 spokesperson Supt. Lemuel Gonda nga dili angayang mabalaka ang publiko kay alerto karon ang kapolisan ug ila nang gipatuman ang ‘Oplan Ligtas Summer Vacation 2017’ alang sa semana santa.
Si Gonda nagkanayon nga ilang gihugtan ang pagbantay sa mga publikong lugar sama sa shopping malls, pantalan, airports ug bus terminals aron masanta ang posibleng laraw sa mga dautang elemento.
Dugang ni Gonda nga bantayan usab sa kapolisan ang bukid sa Malasag ingon man ang Our Lady of Guadalupe nga maoy dagsaan kanunay sa mga tawong magpinetinsiya atol sa huwebes ug biyernes santo.
