CAGAYAN DE ORO CITY-Gikondinar sa PNP-10 ang linu-og nga binuhatan sa rebeldeng New People’s Army o NPA diha sa Brgy Tigkalaan,Talakag,Bukidnon.
Kini human angkona sa NPA nga sila ang mi-ambush sa mahindra patrol sa Amai Manabilang Police Station ug Fortuner vehicle samtang padulong sa Amai Manabilang,Lanao del Sur sa miaging adlaw.
Gihimo ni PNP regional spokesperson Supt Lemuel Gonda ang pagsaway tungod sa kamatayon sa upat ka bulan nga batang babaye ug pagkakalas usab ni SPO3 Arnel Carillo.
Samaron usab ang hepe sa Amai Manabilang Police Station nga si Insp Joven Acuesta;SPO1 Paficico Cabudoy;PO1 Nathaniel Ibal;mga sibilyan nga sila si Alexander Maniscan;Ali Citi ug Ali Aminsalam nga pulos anaa nadala sa nagkadaiyang ospital sa Bukidnon ug ning syudad.
Samtang gihimakak ni ARMM-PNP regional director C/Supt Graciano Mejares nga bihag sa rebeldeng New Peoples’ Army o NPA ang tulo sa ilang mga pulis.
Kini human unang gi-ambush sa mga rebelde ang Amai Manabilang Police Station diin nakasakay ang upat ka pulis gipanguluhan ni Insp Joven Acuesta.
Miingon si Mejares nga anaa sa luwas nga kahimtang si Acuesta ingon man sila si Cabudoy ug Ibal.
Gikompirmar usab sa opisyal nga nakabsan sa kinabuhi si Carillo nga nagrabehan sa pagkaigo sa mga bala.
