CAGAYAN DE ORO CITY- Gisugdan na sa PNP-10 ang pagsusi sa gibulgar ni C/Insp Jovie Espenido nga may napulo ka pulis nga nagsilbing mga protektor sa mga ilegal nga kalihukan sa grupong Parojinog sa Ozamiz City.
Miingon si PNP regional spokesperson Supt Lemuel Gonda nga may gitahasan na sila nga pinili nga mga personahe aron sutaon ang kalambigitan sa maong mga pulis sa pamilyang Parojinog.
Una niini,gibutyag ni Pres Rodrigo Duterte nga may pipila ka pulis nga nagpagamit sa mga Parojinog aron pamatayon ang pipila ka sibilyan ug bisan kaubang kapolisan nga mibabag sa mga kalihukang ilegal sa Ozamiz City.
Nasayran nga pipila usab sa maong mga pulis ang natangtang na sa puwesto samtang ang uban anaa pa sa aktibo nga serbisyo.
