CAGAYAN DE ORO CITY-Tangtangon ni PNP regional director C/Supt Timoteo Pacleb ang mga pulis nga mobati’g kahadlok ug magtinalawan sa pakigbatok sa mga rebeldeng New People’s Army o NPA sa rehiyon.
Kamanduan kini ni Pacleb isip pagpalig-on sa kagustuhan ni PNP chief Dir Gen Ronald de la Rosa nga dili angay magpalupig ang mga pulis sa pakig-engkuwentro batok sa mga rebelde.
Gihimo ni PNP regional spokesperson Supt Lemuel Gonda ang pahayag dihang gi-ambush sa NPA rebels ang police patrol diin usa ka pulis ug menor de edad nga sibilyan ang namatay sa Brgy Tikalaan,Talakag,Bukidnon sa miaging semana.
