CAGAYAN DE ORO CITY-Gihimakak sa liderato sa PNP nga gidid-an ang mga sakop sa media nga makasusi ug makakuha’g impormasyon gikan sa incident spot reports sa nagkadaiyang estasyon niini palibot sa nasud.
Kini sukwahi sa gipakatag sa ilang mga kritiko nga may mando si PNP chief Dir Gen Ronald de la Rosa pinaagi sa memorandum circular nga wad-an na’g access ang media makakuha’g spot reports.
Namahayag si PNP regional spokesperson Supt Lemuel Gonda nga nagpabiling abli ang mga buhatan nila alang sa mga sakop sa media sa tuyo nga mabutyag sa publiko ang mga panghitabo sa palibot.
Hinoon,dunay panahon nga mohangyo sila nga limitahan ang paglugwa sa sensitibong impormasyon ilabina kon anaa pa sa paglusad sa police operation follow-up sa mga dagkong kremin sa palibot.
