CAGAYAN DE ORO CITY- Gihimakak sa PNP-10 ang pasangil sa usa ka tinun-an nga siya gidagit ug gilugos sa grupo sa sindikato dinhi sa syudad.
Kini human namugos ang maong menor de edad nga siya biktima sa kidnapping ug nakabuhi lamang kay gitabangan sa usa sa mga suspek gumikan sa kalooy ngadto kaniya.
Si PNP regional spokesperson Supt Lemuel Gonda namahayag nga huyang ang gisulti sa biktima ug wala’y mapakita nga ebedensiya.
Gani,mismo si Puerto Police Station commander C/Insp Ian Borinaga ang gilayong mihimo’g imbestigasyon sa hitabo apan pakyas pagbaton sa mga ebedensiya.
Hisayrang natingala ang kapolisan kon nganong ulahi nga nagpatala sa reklamo ang biktima sanglit giingong Marso 6 ning tuiga pa kini nahitabo.
