CAGAYAN DE ORO CITY-Gisugyot sa city council ilabina sa komitiba sa police,fire and public safety sa kapolisan nga ipaubos sa loyalty check ang kapolisan sa rehiyon 10.
Kini sa pagsiguro nga dili masudlan sa police scalawags nga adunay pagsuporta sa kalihukan sa bandidong Abu Sayyaf Group o ASG.
Gihimo ni Kag Romeo Calizo,kinsa chairman sa komitiba ang sugyot sa kabalaka nga may pipila ka pulis nga sama kang Supt Maria Christina Nobleza nga nalambigit sa kalihukang terorismo.
Naglusad sa counter-intelligence monitoring ang PNP-10 sa tanang mga miembro sa kapolisan niini sa rehiyon.
Kini sa tuyo nga walay susama’g binuhatan ni Supt Maria Christina Nobleza nga atua sa abu sayyaf group ang simpatiya ug kontra ang gobierno.
Namahayag si PNP regional spokesperson Supt Lemuel Gonda nga dili kinahanglanon ang loyalty check sa mga miembro ilabina nga walay ilang nasayran nga may miembro o opisyal sa kapolisan nga protector o naglambigit sa kalihukang terorismo.
