CAGAYAN DE ORO CITY-Gihimakak sa PNP-10 nga adunay naglihok saorganized robbery groups sa Amihang Mindanao.
Gihimo ni PNP regional spokesperson Supt Lemuel Gonda ang pahayag atol sa panagtagbo sa Oro Bankers sa syudad sa miaging adlaw.
Gibuyag ni Gonda nga gi-unay ug seminar sa kapolisan ang daghang sakop sa ORO Bankers aron makat-on ang ilang sekyu, mga trabahante ug
tigdumala sa pagkontrolar sa mga dautang sitwasyon sama sa bank robberies.
Gi-awhag ni Gonda ang tanan empleyado sa bangko nga magbaton sa igong kaabtik ug likayan ang pakig-engkwentro sa mga tulisan.
Una nang gikompirmar ni Gonda nga magpila ka tuig nang nakalinggawas sa mga bank robbery ang nag-unang mga syudad sa Amihang Mindanao ilabina ang Cagayan de Oro City.
Hisayrang kapin 100 ka bankers ang miduyog sa gilusad nga anti-crime prevention orientation diin gilusad sa usa ka grill ning syudad sa miaging semana.
