CAGAYAN DE ORO CITY-Gi-depensa sa PNP-10 ang sunod-sunod nga pag-atake sa rebeldeng New People’s Army o NPA sa pipila ka bahin sa rehiyon.
Kini human mitala’g kamatayon usa usa ka pulis ug laing sibilyan ang pag-atake sa mga NPA sa lungsod sa Talakag,Bukidnon sa miaging semana.
Miingon si PNP regional spokesperson Supt Lemuel Gonda nga nagpabilin ang pagka-alerto sa militar ug kapolisan.
Una niini,patay usab ang usa ka sundalo ug laing usa ang samaron sa pag-ambush sa mga NPA sa Iligan City-Bukidnon boundaries niadtong miaging adlaw’ng Domingo.
Gani,tinguha pa nga atakehon sa mga rebelde ang planta sa Minergy sa Balingasag apan napugngan sa militar ug kapolisan samtang nasiplatan sila sa Barangay Dampil,Lagonglong,Misamis Oriental niadtong Nobyembre 12,2017.
