CAGAYAN DE ORO CITY-Gikasubo sa PNP-10 ang pagbasura sa National Prosecution Service o NPS sa drug trafficking charges batok sa drug queen nga si Lovely Impal, drug lord nga si Kerwin Espinosa, Peter Co, Marcelo Adorco ug Max Miro.
Matud ni PNP regional spokesperson Supt Lemuel Gonda nga nadismaya sila sa desisyon sa NPS apan wala sila’y mahimo kundi tahoron ang desisyon ug ipadayon ang ilang kampaniya batok sa illegal nga droga.
Kahinumduman nga nadakpan sa Philippine Drug Enforcement Agency si Lovely Adam Impal sa usa ka buy-bust operation sa Brgy Pala-o,Iligan City diin nakuha sa iyang posisyon ang 100 gramos nga shabu nga balor P500,000 sa Enero 2017.
Una nang gibutyag ni Espinosa nga kabahin si Impal nga gakuhaan niya’g kinilo nga shabu.
