CAGAYAN DE ORO CITY- Dili sampungan sa PNP-10 ang mga buka sa armas sa ilang kapolisan atol sa pagsaulog sa pakaskuhan ug pagsugat sa bag-ong tuig dinhi sa rehiyon.
Kini sukwahi sa naandan nga mga lakang sa PNP aron giingong dili matintal ang pipila ka pulis pagpabuto sa ilang mga armas atol sa maong mga kasaulugan.
Gibutyag ni PNP regional spokesperson Supt Lemuel Gonda nga importante nga andam kanunay ang kapolisan aron maka-responde batok sa dagkong mga kremin nga mahitabo.
Gipasabot ni Gonda nga lisod usab kining himoon diha kanila ilabina nga taas ang bahad sa pagpangatake sa rebeldeng New People’s Army o NPA batok sa gobierno.
