CAGAYAN DE ORO CITY-Langkaton ni PNP regional director C/Supt Timoteo Pacleb ang dugang ‘pulpol’ nga police commanders nga mapakyas sa pagbungkag sa illegal numbers game sulod sa area of responsibility niini.
Gihimo ni Pacleb ang panganti tungod sa presensiya pa gihapon sa mga illegal nga pasugal sama sa STL outlets nga gipadagan sa pipila ka financiers partikular sa syudad ug lalawigan.
Miingon si Pacleb nga ipadayon niini ang kusganong pagpatuman sa ONE STRIKE POLICY aron makat-on ang mga pulis sa pag-seryoso sa kampanya batok illegal nga pasugal sa syudad ug lalawigan.
Una niini,daghang illegal STL outlets ang nagsira ilabina sa syudad dihang gilusad ang subsob nga kampanya batok sa mga tawong nag-operate.
