CAGAYAN DE ORO CITY- Giisa pa gihapon sa PNP-10 ang full alert status sa ilang puwersa bisan natibawas na ang kasaulugan sa anibersaryo sa rebeldeng NPA sa Amihang Mindanao.
Gibutyag ni PNP regional spokesperson Supt Lemuel Gonda nga nabatasan sa mga rebelde nga mohimo’g pag-atake paglabay sa pipila ka adlaw gikan sa ilang kasaulugan.
Gimando kanila ni PNP regional director C/Supt Agripino Javier nga dili mokompiyansa ug kanunay mokoordinar sa militar aron mapugngan ang pag-atake sa mga NPA.
Una niini,gi-harass sa mga rebelde ang army detachment sa San Fernando,Bukidnon atol sa besperas sa sumad-anibersaryo sa kalihukan sa mga armado.
