Milampus ang PNP Anti-Cybercrime Group (ACG) sa pagsikop sa duha ka suspek nga kanhi POGO Workers ug karon, wanted sa pagbaligya sa peke nga salapi human masirado ang ilang kompanya.
Namahayag si PBGEN Bernard Yang, Direktor sa PNP-ACG nga ang mga dinakpan, nagsilbing drayber sa POGO ug ilang operasyon nakapokus sa Metro Manila.
Sa press conference sa Camp Crame, miingon si Yang nga nadakpan nila ang mga suspek sa Las Piñas City, ug gipresentar media.
Gipalanog ni Yang nga ang dakung hulga sa ekonomiya ug sa publiko ang pagbaligya sa peke nga kwarta online.
Misaad ang grupo ni Yang nga i-trace up ang tanan kauban sa duruha, ug ang mismong mastermind sa pagpakuyanap sa peke nga salapi online.
Mipasidaan si Yang nga lakip nilang sutaon ang tanan kostumer sa duruha nga mipalit sa peke nga salapi aron makapanglimbong sa mga inosenteng tawo.
