CAGAYAN DE ORO CITY-Alerto ang kapolisan ingon man ang militar sa pagdagsa sa mga progresibong pundok aron mohimo’g protesta sa kasaulugan sa Labor Day ning adlaw sa rehiyon.
Miingon si Cagayan de Oro City Police Office o COCPO spokesperson Supt Mardi Hortillosa nga partikular nga gipatutukan sa PNP-10 kanila ang Associated Labor Union-Trade Union Congress of the Philippines Northern Mindanao nga nakig-alyansa sa Kilusang Mayo Uno Northern Mindanao Region nga martsa protesta sa Rotunda padulong sa Kiosko Kagawasan sa Divisoria sa syudad ning adlawa.
Samtang gitin-aw sa Associated Labor Union-Trade Union Congress of the Philippines nga dili sila molusad sa saba nga lihok protesta ning adlawa.
Miingon si ALU-TUCP legal counsel Atty Proculo Sarmen nga igo ra sila mag-martsa ug magtipok sa Kiosko Kagawasan Divisoria aron mosaulog sa usa ka santos nga misa.
Dugang ni Sarmen nga dili nila batikuson si Pres Rodrigo Duterte apan pulos paghangyo nga wad-on na sa hingpit ang abor contractualization sa nasud.\
Hisayrang gitanyag usab sa DOLE-10 kuyog ang kapin gatos ka kompanya ang 14-mil ka trabaho alang sa job seekers sa local ug abroad sa Atrium,Limketkai Center sa Barangay Lapasan ning syudad sugod Mayo 1 hangtod petsa 2 ning tuiga.
