CAGAYAN DE ORO CITY-Ikatag sa kapolisan ang ilang tropa sa mga pampublikong lugar ug religious sites sa nagkadaiyang bahin sa rehiyon ugmang adlawa.
Kini human kumpirmaha ni PNP regional spokesperson Supt Lemuel Gonda ang kaandam na sa ilang tropa aron maghatag seguridad sa mga kalihukan sa mga semana santa.
Miingon si Gonda nga wa tugti ni PNP regional director C/Supt Timoteo Pacleb ang mga pulis nga maka-vacation leave aron lig-on ang puwersa nga makatag ilabina sa religious activities ning semanaha.
Samtang masulayan ang hiusang operasyon sa militar ug kapolisan aron mahataga’g igong proteksyon ang publiko mismo sa pagbalaan sa mga mahal nga adlaw ning semanaha.
Kini human unang nagpirmahay sa internal security operation o ISO plan ang PNP-10 ug 4th ID,Philippine Army diin kabahin sa tahas niini ang paghatag seguridad sa mga gimbuhaton sa semana santa sa rehiyon.
Miingon si 4th ID spokesperson 1Lt Tere Ingente nga partikular nga mohatag seguridad sa katawhan ang mga sundalo nga naglangkob sa Task Force Oro nga dugay nang aktibo sukad gipaubos sa martial law ang Mindanao.
