CAGAYAN DE ORO CITY- Subli makigtagbo ang Commission on Elections sa PNP-10 ug 4th ID,Philippine Army aron bisitahon ang kabarangayannga gitumbok nga “areas of concern” sa nagkaduol brgy & SK elections.
Miingon si Comelec Provincial Election Supervisor Atty. Carlito Ravelo nga gusto nila masuta kon maka-apektar ba sa matag polling precinct ang sightings sa NPA rebels sa hinterland brgys.
Gawas niini, gusto sa Comelec ang mga reported cases sama sa pagsugod ug pangilkil o extortion activities sa mga rebelde sa mga kandidato.
Samtang gihagit sa Commission on Elections o Comelec ang sektor sa kababayen-an nga dili palabyon ang ilang paglambigit sa brgy & SK elections ning tuiga.
Gihimo ni Comelec Provincial Election Supervisor Atty Carlito Ravelo ang awhag kay gusto niini makuha ang fifty-fifty ratio sa mga elected official nga mangulo sa kabarangayan ning tuiga.
Miingon si Ravelo nga gihimo kini sa gobierno isip pagpalig-on pa sa gender equality ilabina nga daghang kababayen-an ang dunay kapas idumala ang renda sa pangagamhanan sa nasud.
Samtang gimanduan sa archdiocese sa Cagayan de Oro nga tanang kaparian nga ipaubos sa retreat o recollection ang mga kandidato nga nagpapili sa brgy ug SK elections ning syudad.
Miingon si Parish Pastoral Council for Responsible Voting-Misamis Oriental coordinator Bobby Villaluz nga gitumong kini aron makita sa katawhan ang katuyuan sa matag kandidato.
Dugang ni Villaluz nga gusto ni Archbishop Antonio Ledesma nga disente, diosnon ug dunay kasing-kasing sa katawhan ang mapili nga mga opisyal nga pili-ay sa brgy ning tuiga.
