Gihupay sa Philippine National Police (PNP) ang kabalaka sa publiko kalabot sa posibleng spillover sa gubat sa joint US-Israel military strikes batok Iran, ug ang pagpangatake sa kasundaluan sa Iran sa managlahing base militar sa Amerika sa Middle East ug Gulf Region.
Namahayag si PNP Chief Gen. Jose Melencio Nartatez Jr., nagpabiling alerto ang kapulisan aron masiguro ang kalinaw ug seguridad sa publiko.
Mitin-aw si Nartatez nga bisan walay klarong hulga ang ilang nadawatan, ang PNP hugot ang pakigkoordinar sa Armed Forces of the Philippines.
Una niini, gimanduan ni Nartatez ang tanan yunit sa PNP nga muhimo sa walay puwas nga precautionary measures aron mapanalipdan ang katawhan ug mga pasilidad sa nasud.
Sa laing bahin, ang Department of National Defense (DND) nga lisud itarget ang mga Enhanced Defense Cooperation Agreement (EDCA) sites sa Pilipinas tungod kay ang hostilities limitado ra sa Middle East ug wala’y direktang kalabotan ang Pilipinas sa maong gubat.
